Firefox for Android (rm)

Title — 30 characters

Firefox: Navigar svelt & segir

What’s new — 206 characters

* Meglierament dal motor CSS Quantum per reducir il temp da visualisaziun da las paginas
* Defilada pli svelta da las paginas grazia al fatg ch'ils survegliaders d'eveniments tactils èn passivs sco standard

Short Description — 78 characters

Va per il navigatur mobil gratuit, persunalisabel e privat cun sincronisaziun.

Description — 3446 characters

Profitescha dad in web svelt, scort e persunal. Firefox è il navigatur independent sviluppà per correspunder als interess dals utilisaders – creà da Mozilla, l'organisaziun considerada en retschertgas sco l'interpresa d'internet la pli fidada en dumondas da la protecziun da datas. Actualisescha oz per viver ina experientscha da navigaziun pli persunalisada sco tschients milliuns utilisaders che sa fidan da Firefox.

SVELT. SCORT. TES.
Firefox è vegnì realisà cun pensar als utilisaders e ta dat la pussaivladad dad esser tes agen patrun en il web.
Perquai creain nus il product cun funcziuns intelligentas che ta pussibiliteschan da profitar 100% da la navigaziun.

TSCHERTGAR A MODA INTELLIGENTA & PLI SVELTA
- Firefox po anticipar tes basegns e furnescha a moda intuitiva pliras propostas e resultats da tschertgas precedentas en tias maschinas da tschertgar preferidas. Mintga giada.
- Utilisescha scursanidas a maschinas da tschertgar sco Vichipedia, Twitter and Amazon.

PROTECZIUN DA DATAS AVANZADA
- La protecziun da tias datas è vegnida meglierada. Il modus privat cun protecziun cunter il fastizar blochescha elements da websites che ta pudessan persequitar durant la navigaziun.

SINCRONISESCHA FIREFOX SIN TUT TES APPARATS
- Cun in conto da Firefox pos ti acceder cun tes tablet u tes telefonin a tia cronologia, a tes segnapaginas ed a tes tabs averts dal computer.
- Firefox memorisescha era tes pleds-clav a moda segira per plirs apparats. Uschia n'als stos ti betg tegnair endament.

DESIGN DALS TABS INTUITIV
- Grazia ad in concept intuitiv da tabs visuals e numerads chattas ti en futur svelt puspè il cuntegn tschertgà.
- Avra tants tabs sco che ti vuls senza perder la survista da las paginas avertas.

SIMPEL ACCESS A TIAS PAGINAS PREFERIDAS
- Dovra tes temp per leger tias paginas preferidas enstagl per las tschertgar.

SUPPLEMENTS PER MINTGA INTENT
- Persunalisescha tia moda e maniera da navigar en il web cun adattar Firefox grazia a supplements per bloccar la reclama, administraturs da pleds-clav e da telechargiadas e dapli.

CUNDIVIDER SVELT
- Firefox tegna endament las applicaziuns utilisadas ultimamain per ta gidar a cundivider a moda simpla cuntegn cun agid da Facebook, Twitter, WhatsApp, Skype ed auter.

MIDA AL VISUR GROND
- Trametta cuntegn da video e web da tes telefonin u tablet a mintga apparat da televisiun che sustegna il streaming.

Ulteriuras infurmaziuns davart Firefox per Android:
- Has ti dumondas u dovras agid? Visita https://support.mozilla.org/mobile
- Infurmaziuns davart las permissiuns da Firefox: http://mzl.la/Permissions
- Ve a savair dapli da quai che succeda tar Mozilla: https://blog.mozilla.org
- Dà in like a la pagina da Firefox sin Facebook: http://mzl.la/FXFacebook
- Suonda Firefox sin Twitter: http://mzl.la/FXTwitter

DAVART MOZILLA
Mozilla s'engascha per rinforzar l'internet sco resursa publica, accessibla a tuts – perquai che nus essan da l'avis che avert e liber saja meglier che serrà e controllà. Nus sviluppain products sco Firefox per promover la tscherna e la transparenza e per dar als utilisaders la controlla cumplaina da lur vita en l'internet. Ulteriuras infurmaziuns sin https://www.mozilla.org

Directivas da la protecziun da datas: http://www.mozilla.org/legal/privacy/firefox.html

Google Play Screenshots Copy

Spert. Scort. Tes
Va per Firefox e daventa in da
tschients milliuns utilisaders da Firefox
Tabs visuals ed intuitivs Chatta svelt tias paginas
avertas grazia als tabs
Tschertga intelligenta Obtegna resultats precis ed intuitivs
avant che avair finì da tippar
Navigaziun senza interrupziun
cun Sync
Access direct a tes segnapaginas,
a la cronologia, als tabs averts ed als pleds-clav
da dapertut nua che ti dovras Firefox
Dapli sfera privata Il modus privat cun protecziun cunter il fastizar
blochescha elements da websites che
ta pudessan persequitar durant la navigaziun
Supplements per mintga intent Persunalisescha tes navigatur web cun
supplements per bloccar la reclama, administraturs
da pleds-clav e da telechargiadas e dapli.
Cundivider svelt Firefox tegna endament las applicaziuns
utilisadas ultimamain per ta gidar a
communitgar co ti vuls
Trametter a l'apparat Trametta cuntegn da video e web
da tes telefonin u tablet a
mintga apparat sustegnì